係香港, 入冬以後食蛇宴就係一個季節限定的飲食聚會節目，亦相當有本土味。
我大約由6歲開始，就參與入冬後的蛇宴活動。
由於父母均是工廠工人出身，一眾工人階層最開心的消遣莫過於參與工會既飲食聯誼活動。
細細個除左跟老豆去新光同荔園碧麗宮之外....
跟父母去食食食就係最開心。
而廟街呢個『惠群飲食從業員協會』就係我細個去食蛇宴既地方。
以前要行上天台，延開十幾二十席蛇宴，真係好熱閙同壯觀。父母與一班工友聚首一起關係十分融洽。隨住父母既工廠北移，工友各散東西，自始再沒有去工會蛇宴。
出黎工作以後，曾有機會與中心的姐姐一齊去食蛇... 但總覺得味道欠缺什麼
在緣份之下，早3-4年前開始有機會再重踏舊地。
見到室內一個建國37年既牌扁... 四處沒有裝煌既環境但卻令我感覺好Warm。
我一直認為，食物既味道除了食材以外，還有人和情既味道... 食伴也相當重要。
今天能與一眾識於微時既好友一起歡聚了一席蛇宴....
還有，錦上添花的『佳佳糖水』實在是完美。
煮知識：
其實，早前有幸跟廖師傅學習『龍鳳鴛鴦羹』，知道了原來煮蛇羹都係道心機菜。
蛇羹既湯底係上湯+蛇骨熬製4-5小時，這個上湯也可用上製作龍鳳或其他湯羹
上湯用鮮雞、金莘火腿、瘦肉、陳皮、竹蔗、龍眼肉、紅棗、薑及蛇骨熬(蛇羹湯底)
還要將所有食材切絲... 如金莘火腿、雞、瘦肉、荀、冬菇.....全需切絲.... 又要幼又要靚
真係小D心機都唔得架.
太史五蛇羹，是粵菜的著名蛇宴菜色之一，由江孔殷發明，以蛇羹入饌，以祛南方濕氣、瘴氣。太史五蛇羹以合稱「五蛇」的眼鏡蛇、金腳帶、過樹榕、三索蛇、百花蛇熬成蛇湯，加入水律蛇肉絲、雞肉、鮑魚、木耳、冬菇等煮成羹，吃時加入薄脆、切得極幼細的薄荷葉絲。(來自維基)
沒有留言:
張貼留言